Суғуртаи сайёҳон

Суғуртаи сайёҳон аз ҳодисаҳои нохуш ва дучор гаштани онҳоба бемориҳои фаврии ҷарроҳӣ барои шахсоне, ки дар қаламрави ҷумҳурӣ ва берун аз он саёҳат мекунанд пешниҳод карда мешавад.

Андозаи маблағи суғуртавӣ маҳдуд карда намешавад.

Маблағи пардохти суғуртавӣ вобаста ба дараҷаи хавфи  суғуртавӣ, синну соли сайёҳ ва мақсади туризм муқаррар карда мешавад.

Ба ҳодисаҳои суғуртавӣ ҳодисаҳои зерин мансубанд:

• ҷароҳати бардоштаи сайёҳ дар натиҷаи ҳодисаи нохуш;
• тасодуфан сахт заҳролуд шуданаз растаниҳои заҳрнок ё истифодаи таъомҳои пастсифат;
• дучор гаштан ба амалиётҳоитаъҷилииҷарроҳӣ:аппендитсити сахт, кушодашавии ҷароҳати меъда ва рўдаи 12 ангушта,чуррии пучидашуда,  холеститсити сахт ва панкреатит, қабзияти сахти меъда ва ғайра бемориҳо (ҳамагӣ 17 намуди амалиётҳои ҷарроҳӣ пешбинӣ шудааст);
• ҳодисаҳои фавтӣ.

Факти ҳодисаи суғуртавии  бо сайёҳ рўй дода бояд бо тасдиқномаи муассисаи табобатие, ки сайёҳ дар он табобат ёфтааст ва ба ў ёрии аввалаи тиббӣ расонида шудааст, тасдиқ карда шавад.

Андозаи кўмакпулии суғуртавӣ барои ҳодисаи  амалиёти ҷарроҳӣ ба дараҷаи мушкилии амалиёт мувофиқи Феҳраст вобастагӣ дорад, оид ба воқеаи рўйдодани ҳодисаи нохуш бошад, вобаста ба вазнинии осеб расида тибқи Дастури методологӣ оиди пардохт дода мешавад.

Дар мавриди ҳодисаҳои фавтӣ маблағи суғуртавӣ пурра ба шахси таъинкарда ё ворисони ў пардохта мешавад.
Маблағи  суғуртавӣ,  баъд аз тамоми ҳуҷҷатҳои заруриро баташкилоти суғуртавӣ пешниҳод кардан, дар давоми 72 соат пардохт мешавад.

Талаботҳои аз рўи шартномаи суғуртавӣ баромадаро ба ташкилоти суғуртавии  «Муин» дар давоми се сол аз рўзи ба амал омадани ҳодисаи суғуртавӣ пешниҳод намудан мумкин аст.