06.06.2022

Ин намуди суғуртакунӣ баробари шахсони воқеӣ бештар аз ҷониби шахсони ҳуқуқӣ ба мақсадҳои ҳифзи иҷтимоӣ ва моддии кормандони худиашон дар мавридҳои амалиётҳои фаврӣ бинобар сабабҳои 17 намуди бемориҳои фаврии ҷарроҳиталаб (сўрохшавии захми меъда ва рўдаи 12 ангушта, тангшавии чуррӣ, қабзияти сахти рўда, бемории санги пешобдон ва дарди гурда, ҳамли хориҷи бачадон ва дигар бемориҳо).

Шахсони синнашон аз 3 то 70 сола ба мўҳлати аз 1 сол ва бештар аз он суғурта карда мешаванд.

Маблағи суғуртавиро худи Суғурташаванда ба маблағи гуногун муқаррар мекунад.

Ҳодисаҳои суғуртавӣ инҳо ҳастанд:

• малиётҳои таъҷилии ҷарроҳӣ бинобар сабаби бемориҳои сахти ҷарроҳиталаб (ба истиснои бемории онкологӣ);
• фавти Суғурташуда аз амалиётҳои таъҷилӣ.

Ташкилоти суғуртавии «Муин» ба Суғурташуда аз 15% то 100% аз маблағи суғуртавӣ вобаста ба вазнинӣ ё мураккабии амалиёти ҷарроҳӣ ҷуброни суғуртавӣ мепардозад.

06.06.2022

Ҳамин намуди суғурта аз муносибатҳое иборатанд, ки барои таъмини ҳифзи манфиати молумулкии шаҳрвандон ҳангоми сафар ба хориҷи кишвар (сафари сайёҳӣ, дар хондан, сафари хизматӣ, корҳои шахсиашон, кори шартномавӣ ва дигар корҳо), нигаронида шудаанд.

Муроҷиати Суғурташуда дар давоми мўҳлати амали шартнома ба ҳаргуна муассисаи табобатӣ ҳодисаи суғуртавӣ дониста мешавад, ки бинобар сабаби ҳодисаи нохуш ё беморшавии ногаҳонӣ, ки ёрирасонии фаврии тиббии пулакиро (табобатӣ, реабилитатсиониро, ташхисиро диагоностикиро ё дигар намуди ёрирасонӣ) тақозо мекунад.

Ҳангоми фарорасии ҳодисаи суғуртавӣ Суғурташуда бояд бетаъхир ба ширкати хизматрасонӣ (сервисӣ), дар ҳар вақту соати шабонарўз, бо телефони дар полиси суғуртавӣ нишон додашуда муроҷиат намояд ва ному насаби Суғурташуда, рақами полис ва ҳолати ҳодисаи суғуртавии баамаломадаро хабар диҳад.

Дар вақти ғайриимкон будани тамос гирифтан бо ширкати хизматрасон, Суғурташуда метавонад худаш мустақилан ба муассисаи наздиктарини табобатӣ бо нишон додани полис муроҷиат намояд. Баъд аз баргаштан аз хориҷа ба таври хаттӣ ба Суғуртакунанда дар бораи ҳодисаи рўй дода бо пешниҳод кардани нусхаҳои аслии ҳуҷҷатҳои муассисаи табобатӣ ва дигар хизматрасониҳо бо нишон додани сана, ном ва қимати хизматҳои расонидашударо тасдиқкунанда, муроҷиат менамояд.

Амали полис аз лаҳзаи аз бозрасии сарҳадӣ гузаштани Суғурташуда дар вақти рафтан саршуда, он баробари баъд аз сафари хориҷа аз назорати сарҳадӣ гузаштан ба охир мерасад.

Суғурташуда ўҳдадор аст:

• ҳангоми бастани шартномаи суғуртакунӣ Суғуртакунандаро дар бораи ҳама ҳолатҳои барояш маълум, ки барои баҳодиҳии хатари суғуртавӣ аҳамият доранд, хабардор намояд.

06.06.2022

Ташкилоти суғуртавии «Муин» барномаҳои суғуртакуниро аз ҳодисаҳои нохуш пешниҳод менамояд. Намояндагони касбҳои гуногун, ҳатто касбҳои ғайриоддӣ бо ҳифзи суғуртавӣ таъмин карда шуданашон мумкин аст.

Ҳодисаҳои суғуртавӣ воқеаҳоеанд, ки дартўли амали шартномаи суғуртавӣ руҳ дода бошад:

• иллатҳои латхўрӣ ё дигар осебрасӣ ба саломатии суғурташуда;
• муваққатан гум кардани қобилияти коршоямӣ;
• ҳодисаҳои фавтӣ.

Намудҳои аз ҳама бештар истифодаи бурдашавандаи суғурта инҳостанд:

• суғуртаи мактабхонҳо вакўдакон аз ҳодисаҳои ногаҳонӣ;
• суғуртаи мусофирони воситаҳои нақлиёт;
• суғуртаи шахсони воқеӣ ва кормандони шахсони ҳуқуқӣ аз ҳодисаҳои нохуш.

Дар мавриди фаро расидани ҳодисаҳои суғуртавӣ маблағи ҷуброни суғуртавӣ вобаста ба вазнинии иллатҳои расида ба андозаи аз 5% то 100% аз маблағи суғуртавӣ пардохта мешавад.

24.08.2015

Суғуртаи мусофирон – ин суғуртаи шаҳрвандон ҳангоми аз даст додани фаъолияти меҳнатӣ дар натиҷаи ҳодисаи нохуш дар ҳолати сафар кардан аст. Ба суғурта мусофирони нақлиёти ҳавои, роҳи оҳан, автомобилӣ ва обӣ фаро гирифта мешаванд.

Мўҳлати амали полиси суғуртавӣ аз лаҳзаи эълони сафар то расидан ба нуқтаи муайяни муқарраршуда идома меёбад. Полиси суғуртавӣ танҳо ба хатсайри муайян, ки барои он полиси мазкур гирифта шудааст, дахлдор аст.

Полиси суғуртавӣ ҳангоми аз тарафи мусофир харидорӣ намудани чиптаи сафарӣ ба даст оварда мешавад.
Дар ҳолати гум кардан ё худ набудани чиптаи сафарӣ бо дигар сабабҳо полиси суғуртавӣ аз эътибор соқитшуда ҳисобида мешавад.

Ҳодисаҳои суғуртавӣ – ҳодисаҳоеанд, ки ногаҳон ҳангоми сафар ба вуқўъ пайваста ба ҳолатҳои зерин оварда мерасонанд:

• зарб хўрдан, шикастан, баромадани устухонҳо, дандонҳо, сўхтан, ҷудошавии (ҷароҳат) узвҳо дар натиҷаи ҳодисаи нохуш;
• заҳролудшавӣ аз моддаҳои кимиёвии тез ва маҳсулотҳои хўрокаи бесифат;
• фавти мусофир ҳангоми рух додани ҳодисаи нохуш ба истиснои худкушӣ.

Ҳангоми руҳ додани ҳодисаи суғуртавӣ таъҷилан дар муддати 24 соати вақт, бе назардошти рўзҳои истироҳат (рўзҳои ид) оиди ҳодисаи мазкур ба ҳамоҳангсози суғуртавӣ ба рақами телефони дар полис нишондодашуда ахборот додан зарур аст.

Барои гирифтани маблағи ҷуброни суғуртавӣ ҳуҷҷатҳои зеринро пешниҳод кардан лозим аст: ариза, полиси суғуртавӣ, чиптаи сафарӣ ва дигар ҳуҷчатҳое, ки далели ҳодисаи руҳдода ва хароҷотҳои онро исбот намоянд.

Ҳангоми рух додани ҳодисаи суғуртавӣ ба мусофири суғурташуда маблағи ҷуброни суғуртавӣ вобаста ба вазнинии осеби гирифташуда ба андозаи аз 5% то 100%-и маблағи суғуртавӣ пардохт карда мешавад.